مركز تحميل الصور
Twitter Delicious Facebook Digg Stumbleupon Favorites More

الخميس، 18 يوليو، 2013

قفشات شعريه اتمنى ان تنال إعجابكم

قفشات شعريه اتمنى ان تنال إعجابكم

راح انشر ياعلي بالصفحة تاج
واليحبك ياعلي يكتب اسمك
*****
انطيتك قلب ما عابر العشرين
ليشت رجعة شايب بيدة عكازة
*************
مرسومة بعيونك كلمة المليت
كافي بمستحاك اتكحل عيوني

*********
هذا اخر جرح للعافني وراح
يكلي من جرحتك ما طلع دم

**************
اخلي الجسد صامت من انام الليل
لا دكة فراكك تاخذ الروح
*********
موشرط اليشوفك كون عندة عيون
ذاك اليوم شفتك كاعد ابالي
********
طفل كلبي بغيابك زاعله العيد
انهظم من شاف اخوه بحضن مرجوحة
**********
صافن بالدرس واذكر ايامك
كومني المدرس وكلي ها حبيبي
********
ملحي وزادي ما غزرن وياك
كلي اشلون يعني انطيك تيزاب
********
اذا انت بمشيتك اتفطر الكاع
انا بكبريائي الارض امحيه
******
تريد اتصير يوسف انته الله وياك
كاب يعقوب عندي وراح اتانيك
*******
ذليتك نعم كدام كل الناس
خنت عشرة عمر شتريد اسويلك
******
تدري شلون اعرفك انته ما مرتاح
من دكات كلبي تكوم توجعني
********
جنت عايش وعندي احلام
شلون انطاك كلبك تحذف الحاء
********
اذا انته الدمع صاير صديق وياك
انه ويه البواجي الخال وابن اخته
*******
هلكد ما دعيت الله يخليك
نزل ملك كال افتهمنه
******
اذا يعقوب النبي ما يتحمل فراك
انه الفقير شلون ادبرها
*****
كلت خاف الحجي بالساني يأذيك
بلعت سيوف حتى ابلع كلامي
*******
يا كمر تالي الليل سمعني الاخبار
نايم حبيب الروح لو مثلي محتار
******
طبع بينه الخجل مو خوش تعلوم
وهاي الدنيا محتاجة الـ كباحة
*******
مغرور الفرح ميسلم من يفوت
ومتواضع الهم شكبرة ويسلم
******
تحملت اعوفن كلشي ممنوع
بس ممنوع عنك ما تحملته
*****
اذا كلمت احبك تستحي تكول
خليه اعله بالك انا احبك
**********
صفه هذا شعاري بهاي دنياي
((لا تتعب عليهم ما يفيدون))
*******
ما اريد المحبه وبيه اضل مذللول
ادفن روحي بيدي ومحد يذلني
*******
ربك مو عبث من نزل الماي
لان يدري اليشوفك لازم يغص
****
اذا مرة تسلم احس شيء غريب
احس رفعة جفونك بيه مدة

****

0 التعليقات:

إرسال تعليق

 
Design by Free WordPress Themes | Bloggerized by Lasantha - Premium Blogger Themes | Blogger Templates | تعريب وتطوير : قوالب بلوجر معربة